අන්තර්ජාලය මඟින් සංවිධානය කරන ලද සාදයක් වටලා මත්ද්‍රව්‍ය සමග සැකකරුවන් දොළොස් දෙනෙක් අත්අඩංගුවට ගෙන තිබේ.
ඊයේ (21) රාත්‍රීයේ වැලිගම පොලිස් වසමේ මිදිගම ප්‍රදේශයේ සංචාරක නිකේතනයක් තුළ එම සාදය සංවිධානය කර තිබූ බව පොලීසිය පවසයි.
එහිදී කොකේන් මත්ද්‍රව්‍ය ග්‍රෑම් 01 මිලිග්‍රෑම් 625ක් සමග සැකකරුවන් 6ක්, අයිස් මත්ද්‍රව්‍ය ග්‍රෑම් 01 මිලිග්‍රෑම් සැකකරුවන් දෙදෙනෙකු, කෙරළ ගංජා ග්‍රෑම් 3 මිලිග්‍රෑම් 600ක් සහ කෘෘස් මත්ද්‍රව්‍ය ග්‍රෑම් 02 මිලිග්‍රෑම් 25ක් සමග සැකකරුවන් දෙනෙකු හා හෑෂ් මත්ද්‍රව්‍ය ග්‍රෑම් 1 මිලිග්‍රම් 700ක් සමග සැකකරුවන් දෙදෙනෙකු අත්අඩංගුවට ගෙන ඇත.
අත්අඩංගුවටගත් සැකකරුවන් අවුරුදු 30ත් 45ත් අතර වයස්වල පසුවවෙන අම්පාර, තල්පේ, මැදගම, මාතර, තණමල්විල සහ තිස්සමහාරාමය, ගෝනපිනුවෙල යන ප්‍රදේශවල පදිංචිකරුවන් බව පොලීසිය පවසයි.
එම සැකකරුවන් ඊයේ මාතර මහෙස්ත්‍රාත් අධිකරණයට ඉදිරිපත් කර ලබන 26 වනදා දක්වා රැඳවුම් නියෝග ලබාගෙන ඇත.
සිද්ධිය සම්බන්ධයෙන් මාතර පොලීසිය වැඩිදුර විමර්ශන සිදුකරයි.
No comments:
Post a Comment